20 May 2009 - ဘလော့ဂ်စာမျက်နှာ

Vincent Van Gogh သည် လူ့လောကတွင် နေထိုင်သွားခဲ့ရသည်မှာ ၃၇ နှစ်မျှသာဖြစ်သည်။ သူကွယ်လွန်သွားခဲ့သည်မှာ နှစ်ပေါင်း ၁၁၀ နီးပါးရှိခဲ့ပြီဖြစ်သော်လည်း သူ့နာမည်သည် ယခုထိအသေသေး၊ ယနေ့ခေတ် ကာလအထိသူ့နာမည်သည် လူအများ၏ ပါးစပ်ဖျားတွင် ရေပန်းစားနေဆဲ ၊ သူ့ပေါ်စိတ်ဝင်စားမှုများမှာလည်း လျော့နည်းသွားသည်ဟုမရှိပါ။ သူအသက်ရှင်နေသော အနှစ်၃၀ ကျော်ကာလအတွင်း သူလုပ်ခဲ့သမျှ ဘာတစ်ခုမှ မအောင်မြင်ခဲ့ပါ။ အရှုံး နှင့်သာရင်ဆိုင်ခဲ့ရသည်။ သူသည် ရှေးဦးစွာ ပန်းချီကားအရောင်းဆိုင်တွင် အရောင်းစာရေး၊ စာအုပ်အရောင်းဆိုင်စာရေး၊ ထို့နောက် ဓမ္မဆရာ နှင့် ပန်းချီဆရာဘ၀တွင်လည်း အောင်မြင်မှုမရခဲ့ပါ။ သူ၏ ပန်းချီကားများကို တစ်ဦးတစ်ယောက်ကပင် ကြည့်မည့်သူမရှိ။ သူ့ပန်းချီကားများအား ပြက်ရယ်ပြုခဲ့ကြသည်။ သို့ရာတွင် သူသည် ကွယ်လွန်ချိန်အထိ ပန်းချီအလုပ်တွင် ဇောက်ချပြီး ဇွဲကြီးစွာ လုပ်ကိုင်သွားခဲ့သည်။ သူကွယ်လွန်ပြီးသောအခါ တစ်ကမ္ဘာလုံးက အံ့သြချီကျူးနေရသည့် သန်းကျော်ပန်းချီကားများဖြစ်လာခဲ့သည်။ သူ၏ ပန်းချီကားများထဲမှ ပျိုးကြဲသူ (The Sower)၊ပန်းနေကြာ (The Sun-flowers)၊ ကြယ်ရောင်လင်းသည့်ည (The Starlit Night) ၊ ဖူးပွင့်နေကြသည့်သစ်သီးခြံများ (Blooming Orchards)၊ အာလူးစားသူများ (The Potato Eaters)၊ ဂျုံခင်းများထဲမှ ကျီကန်းများ (Crows in the Wheat Fields)၊ ဆိုက်ပရပ်(စ်)ပင်များ (The Cypresses) နှင့် ညလုံးပေါက်ကဖေး (The Night Cafe) တို့မှာလူသိများသောပန်းချီကားများဖြစ်ကြသည်။

"အာလူးစားသူများ (The Potato Eaters)" ပန်းချီကားသည် သူ၏ထူးခြားပြောင်မြောက်သော ပထမဆုံးလက်ရာဖြစ်သည်။ ထိုကားတွင် သူသည်အရောင်စမ်းသပ်မှုနှင့်ပတ်သတ်၍ အောင်မြင်မှုကိုရရှိခဲ့သည်။ အနက်ရောင်နှင့်အညိုရောင်များကို အများဆုံးသုံးထားပါသည်။ ပင်ကိုယ်အရောင်များကိုမသုံးထားပါ။ အနီ၊အ၀ါ နှင့် အပြာရောင်တို့ကို ပေါင်းစပ်ရေးစွဲထားခြင်းဖြစ်ပါသည်။ အရိပ်များ ပင်လျှင်အရောင်များရှိနေပါသည်။ အရောင်အားလုံးသည် အားမာန်နှင့် အာရုံခံစားမှုကိုပေးစေသည်။ Vincent ၏အရောင်များအပေါ်လွှမ်းမိုးနိုင်ခြင်းသည် ၁၈၈၃ ခုနှစ်နောက်ပိုင်းကာလနှင့် ၁၈၈၄ခုနှစ် အတွင်းတွင် အရှိန်ပိုတက်လာခဲ့သည်။ သူ၏ အမြင်အာရုံ သည်ဘယ်လိုပေါ်ထွက်လာသလဲ ဆိုသည်မှာ လျှို့ ၀ှက်ချက်တစ်ခုဖြစ်နေသည်။ သူ့ ပါရမီ၏မူလအစကို လိုက်လံရှာဖွေသောအခါ လမ်းစပျောက်နေပါသည်။ သူ၏ ထူးခြားသောအစွမ်းအစများနှင့်ပတ်သက်၍ ရိုးရာဗီဇက ဆက်ခံရရှိခဲ့သော စွမ်းရည်နှင့် အများက လက်ခံထားသောအမှန်တရားတို့ကို စိန်ခေါ်ရဲသည့် သတ္တိ ပေါင်းစပ်မိပြီး အရောင်အသွေးအပြန်အလှန်ဆက်စပ်ယှက်နွယ်မှုကို အလိုအလျောက်ထိုးထွင်းသိမြင်သည့် ပင်ကို ဥာဏ်သွေး နှင့်တွဲမိကာဖြစ်ပေါ်လာခြင်းဖြစ်ပုံရသည်။ သူသည် အလုပ်နှင့် မိသားစုတာဝန်များကိုယူထားရသူမဟုတ်ပါ။ အချိန်တိုင်းအားလပ်နေသူတစ်ယောက်ဖြစ်သောကြောင့် ကျွမ်းကျင်မှုများကိုပိုမို၍ ကျွမ်းကျင်လာအောင်စွဲစွဲမြဲမြဲလုပ်နိုင်နေသူဖြစ်သည်။

ဝမ်းနည်းမှုများ၊ စိတ်ချောက်ချားမှုများ နှင့် ... ဆက်ဖတ်ရန် »

Category: ရေးမိရေးရာများ | Views: 815 | Added by: NAYMYOHTET | Date: 2009-05-20 | Comments (0)