ဖော်မြူလာမရှိတဲ့ မညီမျှခြင်း - 18 June 2009 - ဘလော့ဂ်စာမျက်နှာ

ဖော်မြူလာမရှိတဲ့ မညီမျှခြင်း

အချစ်ဆိုတာ
ညနေစောင်း အင်းယားကန်လား၊
မုန်တိုင်းသင့် ခရေပင်လမ်းလား၊
ညလမ်းမီးတွေနဲ့ ပြည်လမ်းပလက်ဖောင်းလား၊
မီးစွဲနေတဲ့ စနက်တံလား၊
ပင်ကိုယ် စရိုက်ပျောက်တာကိုပြောတာလား၊
မူးပြီး ပေါက်ကွဲတာကိုပြောတာလား၊
မူးပြီး ငိုတာကိုပြောတာလား၊
မူးပြီး ငိုရင်းနဲ့ ပေါက်ကွဲတာကိုပြောတာလား၊
ဘရိုင်ယန်အက်ဒမ် သီချင်းထဲကလို
မလုပ်ဖူးတာတွေ လျှောက်လုပ်နေရတာကိုပြောတာလား...၊
ငါတော့ " ဖော်မြူလာမရှိတဲ့ မညီမျှခြင်း " လို့ပြောမယ်...။
ရိုမန်းတစ်ခ် သိပ်ဆန်ချင်လို့...
အတွေးတွေထဲမှာပဲ မျောရင်း...မျောရင်း...၊
အတွေးတွေက ကိုယ့်ကိုပြန်ခြောက်လှန့်တာကို
အချိန်နဲ့အမျှခံနေရပြီ။
ခဏ...ခဏ...ခဏ...လေးတွေကို ရင်ဘက်ထဲမှာစုနေရင်း
နိဂုံး ဆိုတဲ့စကားလုံး ကိုကောက်ကိုင်မိတယ်....။
ငါက ဦးပုည လိုကဗျာဆရာလူရိုင်းကြီးမဟုတ်တော့၊
" မုဆိုးတစ်ပိုင်း၊ မိန်းမရိုင်းကြီး" လို့မသုံးရက်။
မင်းကိုသနားမိတဲ့ငါ၊
မင်းထက် သနားစရာကောင်းတဲ့ လူတွေရှိမှန်း၊
ငါ့ကို ငါသနားတတ်မှ သိရတယ်...။
လူတစ်ယောက်ကိုတကယ်ချစ်ခဲ့ဖူးတဲ့ငါ...၊
အနုပညာကို သိပ်နှစ်သက်ခံစားတတ်လို့
အနုပညာဆန်ဆန်ခံစား...၊
ခံစားတတ်သလောက် နာကျင်နေရပြီ။
၁၀ ကျပ်သား အချိန်လေးကို
၁၀ ပိဿာအချစ်နဲ့ ချိန်ခွင်ထဲမှာ ထည့်ချိန်တော့၊
ချိန်ခွင်က လှောင်သလိုနဲ့ လျှာထုတ်ပြ၊
မညီရမလားဆိုပြီး ဒေါသထွက်တဲ့ငါ..၊
ကဗျာသိပ်ဆန်ချင်တဲ့ငါ..၊
လေးလုံးစပ် တောင်နားမလည်ပဲ .. အချစ်ကဗျာရေး၊
" အရူး " လို့ ၀ိုင်းပြောမှ ငါ့ကိုယ်ငါ ရူးမှန်းသိရတော့တယ်။