ဘလော့ဂ်စာမျက်နှာ - နေမျိုးထက်

ကားမှတ်တိုင် ရဲ့ ရင်ဖွင့်စကား

ကားမှတ်တိုင် ရဲ့ ရင်ဖွင့်စကား

အချို့ တွေက ငါ့ဆီဝတ္တရားအရရောက်လာကြတယ်။
အချို့ တွေက ငါ့ဆီကို အနီးဆုံးဖြစ်လို့လာကြတယ်။
အချို့ တွေက ငါ့ဆီလာပြီး အခြားသူတွေကိုစောင့်ကြတယ်။
အချို့ တွေက ငါ့ဆီမှာ မိုးဝင်ခိုကြတယ်။
အချို့ တွေက ငါ့ခုံပေါ်မှာထိုင်ပြီး ငါ့ထိုင်ခုံကိုဖျက်ဆီးခဲ့ကြတယ်။
အချို့ တွေက ငါ့ဆီမှာ ကြော်ငြာတွေလာကပ်ကြတယ်။
အချို့ တွေက ငါ့ဆီမှာ မူးပြီးအန်သွားကြတယ်။
အချို့ တွေက ငါ့တိုင်တွေကို ကွမ်းတံတွေးနဲ့ထွေးသွားကြတယ်။
အချို့ တွေက ငါ့ဆီမှာ လာပြီးစီးပွားရေးလုပ်ကြတယ်။
အချို့ ကလေးတွေကို ငါ့ရင်ခွင်ထဲမှာ ညအိပ်စေတယ်။
အချို့ အချစ်ဇာတ်လမ်းတွေထဲမှာ ငါလည်းပါတယ်။
အချို့ တွေက ငါ့ကိုသီချင်းတွေ၊ ၀တ္ထုတွေထဲမှာ ထည့်ရေးကြတယ်။
အချို့ တွေအတွက် ငါဟာ ဇရပ်လည်းဖြစ်သလို အိမ်လည်းဖြစ်တယ်။
အားလုံးအတွက် ငါဟာထွက်ခွါရာ စုရပ်ဖြစ်တယ်။
အားလုံးက ငါကိုသူတို့လိုရာ သုံးကြတယ်။
အားလုံးက ဖြစ်နိုင်ရင် ငါ့ဆီကိုတောင်မလာချင်ကြဘူး။
အားလုံးက ငါ့ကိုထားခဲ့ဖို့ ငါ့ဆီရောက်လာကြတယ်။
အားလုံးက ငါ့ဆီကို ရောက်ပြီးရင် အမြန်ဆုံးထွက်ခွါဖို့ကြိုးစားကြတယ်။
အားလုံးအတွက် ငါဟာပန်းတိုင်မဟုတ်လို့...၊ မှတ်တိုင်သာဖြစ်တယ်။

Category: ကဗျာ | Views: 116 | Added by: NAYMYOHTET | Date: 2009-06-16 | Comments (2)

ဝါသနာ (တက်ဂ်ပို့စ်)

ဒီပို့စ်လေးဟာ ကျွန်တော့်ရဲ့ ပထမဦးဆုံးတက်(ဂ်)ပို့စ်လေးဖြစ်ပါတယ်။ ကျွန်တော့် ရဲ့ ၀ါသနာကတစ်ခု တည်းတော့မဟုတ်ပါဘူး။ ပထမ၀ါသနာက အားနေတဲ့အချိန်ဆိုရင် ကျွန်တော့်အဖေ ရဲ့ စာအုပ်တွေကို ယူဖတ်ပါတယ်။ အဖေဟာ ကျွန်တော်တို့မောင်နှမ တွေအားလုံးကိုစာဖတ်တဲ့အလေ့အကျင့်ရှိ အောင်လို့ ငယ်ငယ်ကတည်းကတိုက်တွန်းလေ့ရှိပါတယ်။ အိမ်သာခန်းထဲမှာတောင် အဖေက စာအုပ်စင်သေးသေးလေး လုပ်ထားပေးပါတယ်။ စာအုပ်ကို ရိုရိုသေသေကိုင်တတ်အောင် လည်းသင်ပေးခဲ့ ပါ တယ်။ ကျွန်တော်က စာအုပ်တစ်အုပ် ဖတ်နေတုန်း ကိစ္စရှိလို့ ဖတ်နေတဲ့ စာမျက်နှာကို ခေါက်ထားမိခဲ့တာတို့ ၊ စာအုပ်ကို မှောက်ထားခဲ့တာတို့လုပ်ရင် အမြဲတမ်းဆူခံထိပါသေးတယ်။ အဲဒါတွေကြောင့်ငယ်ငယ်တုန်းကဆို စာဖတ်ဖို့ သိပ်စိတ်မပါခဲ့ပါဘူး။ သိတတ်တဲ့အရွယ်ရောက်လာတော့မှ စာအုပ်ဖတ်တတ်တဲ့အလေ့ အကျင့်လေး ရခဲ့ပါတယ်။ ကျွန်တော် ၁၂ နှစ်သားလောက်က စာအုပ်တစ်အုပ်ဖတ်နေတုန်း အဖေတွေ့သွားခဲ့ပါတယ်။ ကျွန်တော်ဖတ်နေတဲ့စာအုပ်က ရွှေဥဒေါင်း ရဲ့ ဘာသာပြန်ဝတ္ထုရှည်စာအုပ်တစ်အုပ်ပါ။ စာအုပ်က နည်းနည်း လေးတော့ ထူပါတယ်။ တကယ်တော့ ကျွန်တော်လည်း ဖတ်သာဖတ်ပါတယ်၊ ဒီလောက်ထူတဲ့ စာအုပ် ကိုပြီးအောင်ဖတ်ကြည့်မယ် ဆိုတဲ့စိတ်နဲ့သာ ဖတ်နေခဲ့တာပါ။ အဲဒါကို ကြည့်ပြီး အဖေက ကျွန်တော့် အရွယ်နဲ့ဒီစာအုပ်မျိုးတွေမဖတ်နဲ့ဦး လို့ပြောပြီး ကျွန်တော်ဖတ်ရမယ့်စာအုပ်လေးတွေစာအုပ်စင်ကနေပြီး ရွေး ပေးခဲ့ပါတယ်။ ပေါ့ပေါ့ပါးပါးစာအုပ်လေးတွေကို စပြီးဖတ်သင့်တယ်လို့ပြောပါတယ်။ အဲဒါနဲ့ စာအုပ်စင်က ကာတွန်းစာအုပ်တွေ ယူဖတ်တော့လည်း ကျွန်တော် သဘောမတွေ့ခဲ့ပါဘူး။ ဘာဖြစ်လို့လဲဆိုတော့ အဲဒီကာတွန်းတွေကသိပ်မရယ်ရလို့ပါ။ တချို့ ကာတွန်းတွေဆို ဖတ်စရာစာတောင်မပါ ပါဘူး။ ရုပ်ပုံတွေပဲ ကြည့်စရာရှိလို့ပါ။ အမှန်က ခေတ်ခြေအနေကို သရော်ထားတဲ့ကာတွန်း အမျိုးအစားတွေကို ကျွန်တော်နားမ လည်ခဲ့သေးတာပါ။ ကာတွန်းမြေဇာ၊ ကာတွန်းမောင်ဝဏ္ဏ၊ ကာတွန်း ငွေကြည် နဲ့ ကာတွန်း ဖေသိန်းတို့ရဲ့ ကာတွန်းတွေကို အစကနားမလည်ခဲ့ပါဘူး။ နောက်တော့မှ ကျွန်တော်လည်း တဖြည်းဖြည်းနားလည် လာရပါတယ်။
ကျွန်တော်က အစက စာဖတ်ရင်သုတစာပေအမျိုးအစားတွေဘဲ စဖတ်ခဲ့ပါတယ်။ ၀တ္ထုတို့ ၊ ကဗျာတို့ တွေမဖတ်ဖြစ်ခဲ့ပါဘူး။ ကျွန်တော်အတွေးမှားခဲ့လို့ပါ။ တည့်ဘာသာပြန်ထားတဲ့ ဘာသာပြန် ၀တ္ထုတွေ၊ ရိုးရာဓလေ့ကို ထင်ရှားအောင်ရေးထားတဲ့ အကျိုးရှိတဲ့ဝတ္ထုတိုတွေ ၊ ကဗျာတွေကလည်း လက်တွေ့ဘ၀ကို ပေါ်လွင်အောင်ရေးထားတဲ့ကဗျာကောင်းတွေ ကိုတွေ့မှ ဖတ်ဖြစ်ခဲ့ရပါတယ်။ ရွှေဥဒေါင်း၊ လင်းယုန်မောင်မောင်၊ သော်တာဆွေ၊ မြသန်းတင့် တို့ရဲ့ ၀တ္ထုတွေကို စဖတ်ရာကနေ ၀တ္ထုဖတ်တဲ့အကျင့်လေးရခဲ့ပါတယ်။ အခုတော့ စာကိုအမျိုးအစားမခွဲဘဲ အကုန်ဖတ်ပါတယ်။ အများဆုံးဖတ်ဖြစ်တဲ့ စာရေးဆရာတွေကတော့ အတ္တကျော်၊ မောင်ဆုရှင်၊ မြတ်သင်း၊ ခင်ခင်ထူး၊ ရွှေဥဒေါင်း၊ သော်တာဆွေ တို့ဖြစ်ပါတယ်။ အခြားစာရေးဆရာတွေရဲ့ စာအုပ်တွေကိုလည်း ကြုံရင်ကြုံသလို ဖတ်ဖြစ်ပါတယ်။ ခံစားချက်ရှိရင် ရှိသလိုကျွန်တော် ကဗျာတွေ ရေးဖြစ်ခဲ့ပါတယ်။ အရင်တုန်းကဆို ကျွန်တော် အင်တာနက် မှာဘလော့(ဂ်)တွေ လိုက်ဖတ်ဖြစ်ခဲ့ပါတယ်။ ဘလော့(ဂ်)တွေမှာ လွတ်လွတ်လပ်လပ်ရေးထားတဲ့ အမြင်လေးတွေ၊ သုတ၊ ရသ အစုံ၊ ဘာသာရေး၊ နိုင်ငံရေး နဲ့ အချင်းချင်းရင်းရင်းနှီးနှီးဆက်ဆံကြတဲ့ ချစ်စရာကောင်းတဲ့ အလေ့အထလေးတွေကိုသိပ်နှစ်သက်မိလို့ ၀ါသနာ အရင်းခံပြီး မရေးတတ်ရေးတတ်နဲ့ ကျွန်တော် စရေးဖြစ်ခဲ့ပါတယ်။ အဲဒါကြောင့်ကျွန်တော့်ရဲ့ ၀ါသနာထဲမှာ ဘလော့(ဂ်)ရေးတာပါ ပါလာခဲ့ပါတယ်။
ကျွန်တော်ရဲ့ နောက်ထပ်ဝါသနာတစ်ခုကတော့ music ပိုင်းပါ။ ကျွန်တော် ၆ တန်းလောက်ကစပြီး ဂစ်တာတီးတာ ၀ါသနာပါခဲ့ပါတယ်။ ၈တန်းလောက်မှ... ဆက်ဖတ်ရန် »

Category: Tag Post | Views: 136 | Added by: NAYMYOHTET | Date: 2009-06-11 | Comments (2)

လောက ဒဏ်

လောက ဒဏ်

သင်ပုန်းကြီးဖတ်စာ ဆိုတာ၊
တစ်နေ့တာဆာလောင်မှုကို
မဖြည့်စွမ်းနိုင်တော့...
ကျောင်းဆိုတာ၊
အဆောက်အဦကြီး ဆိုတာကလွဲပြီး
ကျန်တာ မသိခွင့်မရ...၊
June , July မိုးစက်တွေက
အေးချမ်းခြင်းကို မျက်ကွယ်ပြုထားလေရဲ့ ။

ကျောင်းတော်ထဲက စာရွတ်သံကို
ကျောင်းတော်အပြင်က
သီချင်းသံက မဖုန်းလွှမ်းနိုင်လေတော့...
ဦးတည်ရာမဲ့တဲ့ ခြေလှမ်းတွေနဲ့
အဆုံးမဲ့ နေ့တွေကို
အရှုံးတွေနဲ့ ဖြတ်သန်းနေရတယ်...။

မိုးချုပ်ရင် ဘယ်ဆီမှာ
အိပ်စက်မရလဲ..မသိတဲ့အခြေအနေမှာ
ဘယ်မှာလဲ ...
အေးချမ်းခြင်း နဲ့ လုံခြုံခြင်းတွေ..။

မျှော်လင့်ချက်တွေ ဝေးလွန်းလှတဲ့
လေလွင့် ဘ၀မှာ
ခံယူချက်တွေ နဲ့ အိပ်မက်တွေဆိုတဲ့
ဝေါဟာရတွေ မရှိဘူး..။
အနီးဆုံးရှိနေတာကတော့
ခွက်ငယ်လေး တစ်ခွက်ပဲ။

မှတ်ချက်။ လမ်းပေါ်မှာလိုက်တောင်းနေတဲ့ ကလေးတစ်ယောက်ကို တွေ့ပြီးရေးဖြစ်သွားပါတယ်။

Category: ကဗျာ | Views: 125 | Added by: NAYMYOHTET | Date: 2009-06-06 | Comments (1)

ကျွန်တော့်ရဲ့ မွေးနေ့

ကျွန်တော် ဒါလေးနဲ့ ဧည့်ခံပါရစေ...လာရောက်သူများအားလုံးကိုကျေးဇူးအထူးတင်ရှိပါတယ်။
မွေးနေ့ရောက်ရင် အမေ့ကို အရင်သတိရပါလို့ ဆရာတော်တစ်ပါး ဟောတာကြားဖူးပါတယ်။
ကျွန်တော့်ကို မိုးတွေရွာနေတဲ့ June လ ရဲ့ စနေနေ့ မှာမွေးခဲ့ပါတယ်။ ကျွန်တော့်ကို မွေးဖွားတုန်းက အသက်အန္တရာယ် စိုးရိမ်စရာအဖြစ်နဲ့တောင် ကြုံခဲ့ရတယ်လို့
ဆိုပါတယ်။
ကျွန်တော့်ကို လူ့လောကထဲရောက်အောင် ခက်ခက်ခဲခဲမွေးဖွားခဲ့ရတဲ့ အမေ့မွေးကျေးဇူးကပြောမပြနိုင်လောက်အောင်ကြီးမားလှပါတယ်။ မွေးဖွားပြီးတဲ့အချိန်ကစပြီး ကျွန်တော်ဟာ တော်တော်ကို ချူချာတဲ့ကလေးတစ်ယောက်လည်းဖြစ်ခဲ့ပါတယ်။
အခက်အခဲ အမျိုးမျိုးကြားက ကျွန်တော့်ကို ဒီအရွယ်အထိရောက်အောင်ပြုစုစောင့်ရှောက်လာခဲ့တဲ့မိဘနှစ်ပါးလုံးရဲ့ မေတ္တာဟာနက်ရှိုင်းလွန်းလှပါတယ်။
တစ်ခါတလေ မိဘကို စိတ်ညစ်အောင် ကလန်ကဆန် လုပ်မိတာတွေကိုနောင်တရမိပါတယ်။
ငယ်ငယ်ကဆိုရင် ကျွန်တော်ဟာတော်တော်ဆိုးပါတယ်။ ဒါပေမယ့် အမြဲတမ်းသွန်သင်ဆုံးမနေတဲ့ အဖေရဲ့ ကျေးဇူးတွေကြောင့် အခုဆိုရင်လူတွေကြားထဲမှာ လူတွေနဲ့လိုက်ရောညီထွေဖြစ်အောင်နေထိုင်တတ်နေပြီလို့ ယူဆမိပါတယ်။
ဒီလိုနဲ့ တစ်နေ့ပြီးတစ်နေ့ ၊တစ်နှစ်ပြီးတစ်နှစ် ပျော်ရွှင်စရာတွေ၊ ၀မ်းနည်းစရာတွေ၊ အောင်မြင်မှုတွေ၊ ကျဆုံးမှုတွေ၊ အမှန်တွေနဲ့ အမှားတွေ ရောထွေးနေတဲ့ကျွန်တော့်ဘ၀ ရဲ့ သမိုင်းကို ကျွန်တော်ရေးလာလိုက်တာ ဒီနေ့အထိပါဘဲလေ...။

Views: 147 | Added by: NAYMYOHTET | Date: 2009-06-02 | Comments (1)

မျိုးကြီးရဲ့ အမေသီချင်း

ကျွန်တော်ဒီသီချင်းကို ခရစ်ယာန်ဘာသာဝင် ကျွန်တော့်သူငယ်ချင်းတစ်ယောက်ဆီကရခဲ့ပါတယ်။ သူက ဘုရားကျောင်းအသိုင်းအ၀ိုင်းကရခဲ့တာဖြစ်ပါတယ်။
အောက်မှာ ဒေါင်းလို့ရပါတယ်။ မျိုးကြီးရဲ့ sample သီချင်းလေးဖြစ်ပါတယ်။

အမေ- မျိုးကြီး

Category: ဝေမျှခြင်း | Views: 287 | Added by: NAYMYOHTET | Date: 2009-06-01 | Comments (2)

ကျောင်းဆယ်ခေါက်

ကျောင်းဆယ်ခေါက်

မင်းအတွက်တဲ့
အချို့ လူတွေ မျက်ရည်တုတွေနဲ့
မနေ့ညက ကစားဝိုင်းထဲက
အပြုံးတွေ ခဏတာမေ့ထားပြီး
အချင်းချင်း ပွေ့ဖက်နေကြတာ
မင်းတော့ မသိဘူး၊
ငါသိခဲ့တယ်။

လူတွေကြားထဲမှာ
မင်းရဲ့ ပြိုင်ဘက်ကြီး
တစ်ယောက်ငိုနေတာ
မင်းတော့ မတွေ့ဘူး၊
ငါတွေ့ခဲ့တယ်။

မင်း ကိုသိပ်ချစ်တယ်ဆိုတဲ့
မင်းရဲ့ အပေါင်းအဖော်တွေ၊
မင်းနဲ့ ခပ်ဝေးဝေးမှာ
ရပ် နေကြတာ
မင်းတော့ မတွေ့ဘူး၊
ငါတွေ့ခဲ့တယ်။

မင်းအတွက်တဲ့
မင်းအကြောင်းတွေကို
မင်းကိုလက်ဆောင်အဖြစ်ပေးလိုက်ကြတယ်။

အပြန်လမ်းမှာ
မင်းအကြောင်းမပါတဲ့ စကားတွေ၊
ပြောပြီး ရယ်နေကြတာ
မင်းတော့ မကြားဘူး၊
ငါကြားခဲ့တယ်။

အဲဒီနေ့က
ငါ ကျောင်းဆယ်ခေါက်ရောက်ခဲ့တယ်။

Category: ကဗျာ | Views: 165 | Added by: NAYMYOHTET | Date: 2009-06-01 | Comments (1)

နှင်းဆီပွင့်

လယ်တောကပြန်၊
ပန်ချင်တယ်ခရေဖူးဆိုလို့၊
မောင်ခူးကာပေး။
မနက်တုန်းဆီက၊
ကြော့ဆုံးကိုမောင်မြင်တော့၊
သူ့ဆံပင်နှင်းဆီပွင့်တွေနဲ့၊
ဂုဏ်တင့်တယ်လေး။

မှတ်ချက်။ ကျွန်တော့်ရင်ကို ထိစေတဲ့ ဆရာမင်းသုဝဏ်ရဲ့ ကဗျာလေးပါ။ ပေးဆပ်သူရဲ့ နှလုံးသားကိုတွေ့မြင်နိုင်ပါတယ်။

Category: ကဗျာ | Views: 177 | Added by: NAYMYOHTET | Date: 2009-06-01 | Comments (0)

ခြားနားခြင်း

မင်းနဲ့ငါ အဖြူရောင်နယ်မြေမှာ ဆုံခဲ့ကြတယ်နော်
တန်ဖိုးထားရတဲ့ ကိန်းဂဏန်းမဲ့ အမှတ်တရတွေနဲ့...။
ဒါတွေ မင်းမှတ်မိမှာမဟုတ်ပါဘူး...
ပြဇာတ်မှ မဆန်ခဲ့တာ။
ရုပ်ရှင်ရုံတွေ၊ အင်းယားကန်၊
မီးရောင်မှိန်မှိန် ကဖေးတွေ နဲ့
မသက်ဆိုင်ခဲ့ဘူးလေ...။
ဒါပေမယ့်
ငါတော့ ရှယ်လီရဲ့ အချစ်ကဗျာ
တစ်ပုဒ်ထဲ နစ်မျောခဲ့မိတယ်...။
အန်ညာ ရဲ့ သီချင်းတွေနားထောင်ရင်း...၊
ပဉ္စလက် တဒင်္ဂတွေကို
စုစည်းနေမိတယ်...။
ဒါတွေ မင်းနားလည်မှာမဟုတ်ပါဘူး၊
မင်းမှာ ခံစားချက်မှမရှိခဲ့တာ။
ရင်တွေတော့ ပူနေတုန်းဘဲ...
မင်းကြောင့်သောက်ခဲ့မိတဲ့ အပေါစား
အရက်တွေကြောင့်ဖြစ်မှာပါ။
ခုတော့ ငါ့စိတ်ကူး အပိုင်းအစတွေကိုစုပြီး
ဘီဒိုထဲထည့် သော့ခတ်ထားလိုက်တယ်။
ဆည်းဆာရဲ့ ရှူခင်းကို
မင်းနဲ့တူတူ ဆေးချယ်မယ်လုပ်မှ
မင်းရဲ့ ပြည်တော်သစ်မှာ
တစ်နာရီခွဲ စောပြီးနေ၀င်သွားလို့...။ ။

Category: ကဗျာ | Views: 114 | Added by: NAYMYOHTET | Date: 2009-05-29 | Comments (1)

ဓမ္မဒူတဇေတ၀န်တောရ (မှော်ဘီ) တရားစခန်းမှ အရှင်ဆေကိန္ဒ ၏ အဆုံးအမအချို့

ဆုံးဖြတ်ရဲသူကို ဇွတ်တရွတ်ဆန်တယ်၊
ချင့်ချိန်တတ်သူကို သူရဲဘောကြောင်တယ်၊
ရက်ရောတတ်သူကို လက်ဖွာတယ်၊
စည်းကမ်းနှင့် ပေးသူကို ကပ်စေးနည်းတယ်၊
ဦးဆောင်နိုင်သူကို နေရာယူတယ်၊
ကျွမ်းကျင်သူကို လည်လွန်းတယ်လို့...
အထင်မလွဲပါနဲ့။ ။

အလုပ်လုပ်သူက အပြောမသန်၊
အပြောသန်သူက အလုပ်မလုပ်၊
ပြောသလောက်လုပ်ပြီး လုပ်သလောက်ပြော၊
အပြောနည်းပြီး အလုပ်လုပ်တာ အကောင်းဆုံးပဲ။ ။

ဖြစ်ချင်တာကို ဦးစားပေးခဲ့လွန်းလို့
ဖြစ်နိုင်တာတွေပါ ဆုံးရှုံးလိုက်ရပါပြီ၊
ဖြစ်နိုင်တာကိုသာ ဦးစားပေးရင်
ဖြစ်ချင်တာတွေပါ အားလုံးဖြစ်လာမယ်။ ။

"ငါ အတော်ဆုံး" လို့ထင်နေရင်
"အဖျင်းဆုံး" အဆင့်ကို ရောက်သွားပြီ။ ။

"မမှားသော ရှေ့ နေ မသေသောဆေးသမား" တဲ့၊
ဒီဖြေဆေးဟာ ဆေးယဉ်သွားရင် ရောဂါကျွမ်းတတ်တယ်၊
မမှားတာ အကောင်းဆုံးပဲ။ ။

အခက်အခဲဆိုတာ ဥာဏ်နုံ့သူတွေအတွက်
ဘ၀တစ်ခုလုံးကို ကျိုးပျက်သွားတတ်ပေမယ့်
အသိဥာဏ်ရှိသူအတွက် ဘ၀ကြီးတစ်ခုလုံး တိုးတက်သွားနိုင်တယ်။ ။

"ဘေး" ကိုကြည့်လွန်းအားကြီးရင်
"ဘေး" တွေ့တတ်တယ်။ ။

Category: ဘာသာရေး | Views: 126 | Added by: NAYMYOHTET | Date: 2009-05-27 | Comments (0)

လွတ်လပ်စွာ ယုံကြည်ခြင်း

အရှင်ဗုဒ္ဓ ဖြူသည်ဟောလျှင်
အကျွန်ုပ်ဖို့ မည်းသည်မဆို
ထိုထိုမူကား မြတ်စွာဗုဒ္ဓ
ဖြူသည်၊ မည်းသည် ထည့်သွင်းမဟောကြားက
စိမ်း၊နီ၊ပြာ၊၀ါ စသည်များဖြင့်
ယုံကြည်ချင်သလို၊ ယုံကြည်နိုင်သည်
မဟုတ်ပါလော။ ။

မှတ်ချက်။ ။ဆရာရွှေဥဒေါင်း၏ "လွတ်လပ်စွာ ယုံကြည်ခြင်း" ဆောင်းပါးကိုကဗျာအဖြစ်ပုံဖော်ထားပါတယ်။

Category: ကဗျာ | Views: 123 | Added by: NAYMYOHTET | Date: 2009-05-27 | Comments (0)

« 1 2 3 4 5 6 »